परिघातील स्मृतीबिंदू : आजोळ एक सुखद कप्पा

आजोळ एक सुखद कप्पा - कोंकण

सिंधुदुर्ग जिल्ह्यातील मालवण तालुक्यातील हडी नावाचे एक गाव आणि या गावातील जुवा पाणखोल नावाचे छोटेसे बेट. बाजूलाच आणखीन एक बेट - त्याचे नावं बंड्या-आणि त्याला लागूनच तोंडवळीचा किनाराही दिसतो. मालवणपासून जवळजवळ ८ किलोमीटरवर हडी हे गाव आहे. मुख्य रस्त्याला लागून एका आडवळणाने अर्धा km गेले कि लांबूनच जुवा बेट दिसते. या बेटावर अगदी मोजकीच ३०-३२ घरे आहेत. बेटावरून कुठेही जायचे म्हटले कि होडीशिवाय पर्याय नाही.

गाडी किनारी पोहोचताच बेटावर जाण्यासाठी होडीवाल्याला कुउऊ करून कुकारे दिल्याशिवाय होडी येणार कशी?

आता या बेटावर उतरायचे आहे.

आणि नंतर होडीत बसल्यावर ५-७ मिनिटातच बेटाच्या किनारी पोहोचता येते.

बेटावर उतरल्यावर घरापर्यंत थोडे पायवाटेने चालायला तर हवे.

पलीकडच्या किनाऱ्यावर पोहोचल्यावर लागणारी पायवाट.

आणि हे आमचे माडाच्या बनांत लपलेले छोटेसे टुमदार घर. बाजूलाच दिसणारी खोपी . रस्त्यातच वाळत टाकलेली सोले (आमसुले), मिरच्या, वाल इ.

प्रवासातून थकून आल्यावर आंघोळ तर पहिली पाहिजे नाही का? केवढे मोट्ठे पातेले.विहिरीतून पाणी काढून चुलीवर तापलेले कढत-कढत पाणी. यात तर सगळ्यांची आंघोळ होईल.

नाष्टा झाल्यावर सकाळी १०-११ वाजता उकड्या तांदळाची पेज, दुपारी मस्त मालवणी जेवण होते. संध्याकाळी काय करावे बरे? बाहेर नारळाच्या झावळांनी आच्छ्यादलेला खळा . त्यावर टाकलेल्या माच्यावर (सोफा) आराम करूया.